گئچدی عمروم نئجهکی سن بیلیسن
بوش و هدر،
إله بیل باد خزان.
هامی تقصیر منیمدیر بیلیرم
إیلمهدیم فیکر ئوزومه
هئچ نه تأمل إلییهم حتی بیر آن
کی نئجه گئچدی عُمور.
اوشاخلیق گئچدی أُیونا
گردیشیله همیده شنلیگیله.
یاخشی، یامان دینمهزیدیم
یاشاییش، همده ئولوم
هئچ بیریسین بیلمزیدیم.
(آتالار و آنالار) سؤیلهدیلر:
کؤرپهدی، قوی هله شادان یاشاسین
گولماغا فرصتی اؤلماز داها هئچ
(قاباق ئوزده) آغلیاجاقدیر
(آغلامالی گونلری واردیر گلهجکلر)
سؤروشمادیم
نیه بوندان سورا هئچ گوله بیلمیهجٓم
نیه غم مندن ایراق، شنلیگیده گؤرمیهجٓم
نیه چؤللر قوشو تک اوچمیهجم
کؤنلوم ایستیهن یرده یاتا بیلمیهجم.
سؤروشمادیم اؤ زامانلاردا
آغلاماقلار نهایچین؟
دینیب دیدیندیرن اؤلمادی
یاشاییش نه؟
گلمهلرده نهایچین؟
بوندان بئله نئجهسی گئتمهلییک؟
هارایا گئتمهلییک؟
یئیب ایچمک(زاد و توشه) نٓییمیز واردی بو یولدا؟
سؤروشمادیم، کیمسهده بیر سؤز دیمٓدی
جاوانلیقدا اوشاخلیق تک
أؤتوب، گئچیب
أُؤیونویلا، گردیشیله، شنلیگیله.
یاخشینی، یامانینی دینلمهدیم
حایاتی، مامانی بیلهمهدیم.
نه أُؤلدوغونو، گئتماغینی بیلنمهدیم.
آمما ینه سؤیلهدیلر:
هله جاواندی،
جاوانلیق إیلسین گرک
دونیا بؤیو کام آلسین و
ئوز ئورگین شاد إیلسین.
فرصتی وار چؤخ یاشایاجاق.
بیری داد إلیییب:
ایندی گرک فیکر إیلیه
آینده سین دوزلتماغا
ایندی قولون چیمیرلاسین
قالی دارین اوزالتماغا.
ایکینجیسی سویلهدی:
صاباح گلن زامان
اوندا بیلر نیلهملی.
اوچونجو بیله دیدی:
دونن گئچن کیمین گئچر،
هم بو گونو،
هم صاباسی.
ایربیله سؤزلر دییلیب،
من ینه هئچ سؤروشمادیم،
فیکریمهده یئتیشمهدی،
دونن نئجه گئچدیگیمی؟
ایربئله قدرتیم-گوجوم،
نه یؤللاردا،
نه ایشلرده،
ایشلهنیلدی؟
نه بیر دویغو، نه بیر هدف
ایشلتمدیم بئینیمی من.
گئچدی عمروم لؤودلیگه،
نه قدر باجاریم،
نه قدر وقت مفتهسینه الدن گئتدی.
نه من بیلدیم، نه دیین اولدو
گنجلیگین گوجو،
آللاها چاتدیران گوج،
یئتیرردی اگر بیلئیدیم.
آمما هدر اولدو،
ألدن گئتدی جاوانلیقیم.
یول گؤرسدنلر
یاشاماغین، نه اؤلدوغون بیلمیردیلر.
عومورلرین هدر هدر باش إئدنلر ایستیردیلر
من اونلارا تای اولمالی
قارنیمی هی دؤیورمالی
مال و معاشی ییغمالی
ایستیردیلر سسسیز-سالامسیز یاشیام
آرواد اوشاقه فیکیرلهشم.
اصل سؤزو نه قاندیلار
نه دیدیلر.
بیر کیم دینیب دیندیرمدی
یاشاییش
مال و دولت ییغما دگیل
هوسلنیب آروادی آلماقدا دگیل
یاشاییش، تک ئوزونه فیکر إلیهن، جامعهنی آتما دگیل.
دوشونمهدیم دییهنیمده اولمادی کی
حییف حییف!
عمروم گئچیب توکنجاغین،
دوشوندوم کی نه ایشدی بو.
ایندی بئله بیللم، یاشاماقدان اؤنجه هدف بودور دوستوم:
یاراندیم کی برک دایانیب
هوسلرین بندین قیرام
ایشیقلیقا آیاق قویام
ئورگیم دینجله دینجله
هر نه پیسلیکدن ایراق
عشق و مردانه لیگ و زهده دؤلو
حق یؤلوندا چالیشام
( حقین عشقینده آلیشام)
جرأت و امید شربتین نوش إئدهلیم
پیسلیگه قارشی جنگ إئدهلیم
حق یولون آختارالیم
دیلدهده حقحق دییهلیم
بیلدیگیمی خوش حالیلا ئورگدهلیم
شام (شمع) اولوب ایشیق ساچام یوللارینا
گورسهدم یول هامیا یانماغیلا
فایدالیقا یارانمیشام
نه کی سسسیز و سالامسیز
نه ده حسرتله سؤلام عمرومون یئل کیمی قاچماسینا.
حییف اولسون
گئدندن سورا بیلدیم عمرون نه اولدوغون.
اوچ کؤنلوک عمروم إله گلدی بئله گئتدی:
اوشاخلیقیم اویونا
جاوانلیقیم هدره
قوجالیقیم غفلتیله.
شعر: گذر عمر
اثر: نسرین صائب
ترجمه: علی واعظی
برچسب : نویسنده : ayazghic بازدید : 177