خیال گاه داغدادیر، گاهدا آراندا،
گاه گویه یوکسلیر، گاه اَنیر اینسان.
اتاقدا بیر ساعات تک اؤتوراندا،
یوز ایلین دردیله یوکلنیر اینسان.
-------------------------------
اِله بیل دیوارلار گلیر اؤستونه،
قولاغین سسلنیر، قلبین دؤیونور.
آلیشیب یانیرسان سن ئوز توستونه،
نیدالار گؤزونده سوآلا دونور.
------------------------
اینسانی تئز یؤرور دوشونجه لرده،
وئریب نفسینی درد اودار اینسان.
أُزوندن باشقاسی اُلمایان یئرده،
اینسان اُلدوغونو اونودار ایسان.
------------------------------
بیر گونش بس إِدَر، پریشان اولما،
سنین یوز کور( رود کورا) قدر گؤز یاشین اولسا.
مین درد هجوم إِتسه، کونول، سیخیلما،
بیر نفر درد بیلن سیرداشین اولسا.
-------------------------------
دونیایا گلمدیک بیز عبث یئره
اینسانیق، اینسان دا بیزه گرکدیر
باغاتک قینینا چکیلنلره
ئورک نه گرکدیر، دیل نه گرکدیر
-------------------------
چای چایا قووشماز سولار داشماسا
اولدوزون اولدوزلا اونسیّتی وار
گویده بولودلاردا قوشالاشماسا
نه ایلدیریم چاخار نه یاغیش یاغار.
--------------------------------
یول تاپا بیلرمی ساز ئورکلره،
میضراب آستا-آستا تئله دَیمسه؟
چیخارمی غونچهدن تک بیرجه کره
بولبولون نفسی گوله دَیمسه؟
----------------------------
ئوز ائل-اوباسینی ترک اتدیییندن
تک-تنها دولانیر بایقوش بو گون ده
کؤللارین دیبینده تک بیتدییندن
بویونا بوکوک اُلور بنؤوشهنین ده
بختیار وهاب زاده
مدرسه تاریخ...برچسب : نویسنده : ayazghic بازدید : 302